EPISODE 2 – New Mexico
T’at’ı̨ghą Hǫdı́
Episode 2
New Mexico
Written and directed by Angie-Pepper O'Bomsawin
Honolulu, Hawaii nǫk’e nįya, Stephanie Big Eagle t’ant’i dené hęlį edek’ólyęle. bekǫę chu benéné nįja híłdų edek’óréłyá, eyer benéné Yankton Sioux Reservation, South Dakota k’ághe. dedané ediri dene dedliné chu Dakota pipeline xa ek’įya, įghą bek’óréhjá, eyer erelyel det’anį belá k’e dįtł’íse eyi t’á horįchá hółtsį. Stephanie eyer t’a xa nǫk’e nįlti edek’óréłyá, ediri nįh chu dene dedliné ch’anįé xa ek’enádher, belay dene lá k’e eretł’ís dzį dónélt’u k’enádher, eyi erelyel det’anį symbol hotié húltth’i hájá. eyi t’a dene la k’e detł’íse, yet’á dene ełghądanełya xa horélɁį.
Biography
Stephanie Big Eagle
Stephanie Big Eagle tth’ii hand poke tattoo dené hęlį, edinį xáré tątili t’óréłɁá machine hedį. yanísį hots’į chu duhų hots’į designs eła hayįłthen bets’į tattoo xa, tth’i hotié yek’ésedli t’ahots’į dene harát’i si, yedáyíné tth’i harółnį degháré hots’én. ediri nįh bazį t’ąt’ú hok’enáderi, eyi bets’į tattoo art nįh bek’ésoredli xa, eyi ts’én dene k’e eretł’ís. Stephanie betsíekwi hadé: Dakota ú, Lakota Sioux ú, Mohawk ú, Norse ú, Inuit ú, Mongolian ú, Papua New Guinean ú, tth’i Irish ts’įɁáné dene hęlį. t’ahúk’e hots’į dene hęlį dene k’e eretł’ís bóret’į, łą tth’i ełk’éch’a bets’į tattoo k’e.
Dënë Dzı̨́tł’ı́s
