EPISODE 12 – MEXICO
T’at’ı̨ghą Hǫdı́
Episode 12
MEXICO
T’a Yë́ghą Ërı̨tł’ı́s hël T’a Bë Dá Ghárë, Jason Brennan
Hanı́së tthá ų́ Mayan ts’ı̨ háyórı̨lá në́dhë́ Palenque húlyę dë́në́ łá nádı́l łı̨́nı̨́. Dųë́ bëk’ë́ nǫ́në́shá, hanı́së dënë t’at’u dághı̨ná nı̨́sı̨́ há nıh yórı̨́lyę áh bënónë́tá bëghárë bënë́rë́dı́ há. Dų dzı́në́ k’ë́, Palenque Mayan ch’anı́ë kǫë́ chu nıh bąsǫrë́lnı̨ k’é hǫ́ɂą. Ëją sę̈́ Samuel Olman Mayan ch’anı́ë basë dënë tth’ı̨ k’erë́tł’ı́së hë́ltsı̨ hájá. Dëchë́n yághë bąsǫrë́lnı̨ k’é, ghá nádhër, Samuel, Olman Project, hë́ltsı̨, Mesoamerıcan ch’anı́ë basë dënë tth’ı̨ k’erë́tł’ı́së ghą, t’at’u dë́tł’ı́s ų́, hël t’at’ı háts’ë́dı̨ ų́.
Biography
Samuel Olman
Tëtł’e zághë, 2012 k’ë́, sǫlághë lımı́l hanı́łtthá Mayan ts’ı̨ dzırıhtł’ı́së́ bëlághë nı̨, ëyër kú Samuel Olman kónı̨dhı̨́. Dënë tth’ı̨ k’erë́tł’ı́së bónë́nı̨́dhı̨ há t’o áh Spanısh dë́në́ Mexıco chų Central Amerıca hots’ı̨ k’ë́sjë́në́ yë́sdë́dółtsı̨ nı̨. K’áłdánë́ dënë tth’ı̨ ghągé chu dënë tth’ı̨ k’erë́tł’ı́së dë́në́ hë́lı̨ nı̨́, Samuel ërı̨htł’ı́s nánë́tá hanı́së bëlot’ı́në t’at’u dárı̨́tł’ı́s hël t’at’u dënë tth’ı̨ k’ëdárı̨́tł’ı́s nı̨́sı̨́. Mayan bëts’ı̨ nıh bąsǫrë́lnı̨ k’é, Palenque, Chıapas hǫ́ɂą́, ëyë́r dënë tth’ı̨ k’erë́tł’ı́së k’ënádhë́r hájá hanı́së chu dųë́ hǫts’ı̨ bëlot’ı́në́ k’ë́së́. Ëyë́r kú hots’ı̨́, Samuel, dënë hë́l ą́lána Mexıcan ch’anı́ë hǫɂą́së nátsë́r há, dënë tth’ı̨ k’erë́tł’ı́s ts’ı̨ táłtı́në áh.
Dënë Dzı̨́tł’ı́s
