EPISODE 5 – SAMOA
T’at’ı̨ghą Hǫdı́
Episode 5
SAMOA
T’a Yë́ghą Ërı̨tł’ı́s hël T’a Bë Dá Ghárë, Jean-François Martel
Western Samoa húłı̨ dënë tth’ı̨ k’erë́tł’ı́së hanı́së t’at’u bëk’á ts’ë́dé nı̨́sı̨́ ëłų dųzı́në́ k’ë kǫ́t’ë́. Sua Peter Sulu’ape ttherë́ húltá dënë tth’ı̨ k’erë́tł’ı́së há. Bëtá chu bųnághë kwı̨́ hë́l ąláná bëch’anı́ë básë́ háyorı̨lazë Apıa k’ë́yághë, Samoan ts’ı capıtal. Sulu’apes ëdı́në chų łághë ı̨łáh kǫë́ hǫts’ı̨ húłı̨ hanı́së bëlot’ı́në k’ë́së́ dënë tth’ı̨ k’erë́tł’ı́së bǫɂą́. Hanı́së tthá hots’ı̨ bëghą hónı̨ hųlı̨ dënë tth’ı̨ k’erë́tł’ı́së bëba ttherë́ bëɂá dųdzı̨́në́ k’ë Samoa ëłádúnë́.
Biography
Sua Peter Sulu’ape
Sua Peter Salu’ape bı̨yésë t’a ttherë́ sı̨ Sua Petelo Sulu’ape húlye, ı̨łáh kǫë́ hots’ı̨ ttherë́ hųltá Western Samoa k’ë́yaghë. Háyorı̨lázë Matafa’a chu Faleası’u Upolo nų k’ë në́yą, Peter tatau k’ólya hájá tsë́kwı̨ hë́lı̨ hú bëtá ts’ë́nı̨ hájá nı̨ɂá dënë tth’ı̨ k’erë́tł’ı́së básë́. Ëyër tł’áyëh tthélë t’ų dënë tth’ı̨ k’erë́tł’ı́së ts’ı̨ layúë́ hë́ghą hë́já. Ąłnë́dhë hë́në́lı̨ hų́, pe’a bëk’ë́ hálya, kónı̨dhı̨́ t’o ts’ë́n háná hóts’ën dënë tth’ı̨ k’erë́tł’ı́së k’ënádhër há Sulu’ape ı̨łáh kǫë́ hots’ı̨ hát’ı̨ áh.
Dënë Dzı̨́tł’ı́s
