EPISODE 7 – HAWAII
T’at’ı̨ghą Hǫdı́
Episode 7
HAWAII
T’a Yë́ghą Ërı̨tł’ı́s hël T’a Bë Dá Ghárë, Jean-François Martel
Keone Nunes dënë tth’ı̨ k’erë́tł’ı́së ts’ı̨ layúë́ k’órë́lya hı́lë́ nı̨dé kakau hë́ltsı̨ há dųdzı́në́ k’ë Hawaıı k’ë́yághë hanı́së k’ë́sı̨ dënë tth’ı̨ k’erë́tł’ı́së dódı̨h hánı̨. Keone bë́ba ttherë́ hanı́së k’ë́sı̨ dënë tth’ı̨ k’erë́tł’ı́së bónënı̨́dhı̨ há, dųdzı́në k’ë bëch’anı́ë hǫɂásë nátsër hánajá. Hawaııan ts’ı̨ dënë tth’ı̨ k’erë́tł’ı́së Polynesıan k’eyághë, dųë́ hǫlánı̨ në́në́ há, bak’áts’ë́dé hánajá t’a dënë Hawaııan nu k’ënádé há. Dënë tth’ı̨ k’ë́ hálɂı̨ hǫ́yı́në́ lë́, kakau bëɂá dënë nádá ú, bowë́dı̨ ú, bësdólé ch’á. Bëɂáh Aloha Hawaııans ha hǫɂásë́ nátsë́r.
Biography
Keone Nunes
Keone Nunes dųë́ hǫlánı̨ në́në́ há dënë hë́l bëch’anı́ë básë́ dënë nátthë́ hë́gál Hawaıı k’ë́yághë. Ts’ëkwı̨ hë́lı̨ hų́ ąłnë́dhë ké láyë́h hë́dá hú ǫrë́łtth’a nı̨ t’at’u nu k’ë náts’ë́dé nı̨́sı̨́ tot’ı́në nı̨́dél t’u. Ąłnë́dhë hënë́łı̨ tł’ághë łághë nënë́ hų́dhër hų́, k’órë́łyá kakau k’ë́nádhër hóɂą, t’oɂá dënë tth’ı̨ k’erë́tł’ı́së húlë hájá tonë́na në́në hųltá k’ë. Polynesıa hǫts’ı̨ dënë tth’ı̨ k’erë́tł’ı́së t’a ttherë́ húlta Keone hádónë́łtą, Kakau ts’ı̨ në́nı̨k’é kǫë́ núnı̨ɂą Honolulu k’ëyághë dųë́ kahuna k’ë́sı̨ ttherë́ hų́ltá Hawaııan ts’ı̨ dënë tth’ı̨ k’erë́tł’ı́së básë́.
Dënë Dzı̨́tł’ı́s
