EPISODE 8 – SEATTLE
T’at’ı̨ghą Hǫdı́
Episode 8
SEATTLE
T’a Yë́ghą Ërı̨tł’ı́s hël T’a Bë Dá Ghárë, Sonia Bonspille-Boileau
Nahaan, Seattle në́yą́, dënë tth’ı̨ k’erë́tł’ı́së hë́lts’ı̨ yëɂáh nátsë́r há bëlot’ı́në há hók’ánádhë́r. T’aghë dųë́ asıë́ hë́łtsı̨ sı̨ hanı́së chu dųë́ hǫts’ı̨ asıë t’órëłɂáh yë́łtsı̨. Háyórı̨la në́yą, ëyë́r Nahaan, dënë hádónë́łtë́n bëch’anı́ë bë́sdólé ch’á t’o áh k’ë́sjë́në́ bëghą hųlë́ nı̨́sı̨́. West Coast hots’ı̨ t’at’u asıë dárı̨tł’ı́së k’ë́së dënë tth’ı̨ k’erë́tł’ı́së hë́łts’ı̨, hanı́së bëlot’ı́në tat’u asıë k’ádë́në́łta nı̨́sı̨́ k’ë́́sı̨ ërë́tł’ı́s.
Biography
Nahaan
Nahaan asıë ëłk’ë́ch’a hë́ghą dë́në́ hë́lı̨ hu, dënë hónë́łtë́nı hú hë́l bëlot’ı́në há hók’anádhë́r, Seattle, Washıngton hots’ı̨, Tlıngıt, Inupıaq, Alaska chu Paıute Calıfornıa hots’ı dënë hë́lı̨. Northwest Coast hots’ı̨ bëch’anı́ë básë́ dënë tth’ı̨ k’erë́tł’ı́së hë́lts’ı̨, dëchën chu tsątsánë́ áh asıë hë́ghą, pow wow ts’ı̨ yú hë́ltsı̨ hë́l dënë tth’ı̨ k’erë́tł’ı́së k’ë́nádhër. Nahaan t’at’u ąláná hanı́së bë́lot’ınë́ dólnı̨ k’ë́së́ asıë hë́ghą. Bëch’anı́ë básë́ hë́ná hël yë́ghą dënë hǫnë́łtë́n. Nahaan Tlıngıt yatı́ë́ áh dënë hǫnë́łtë́n shë́n chu dáts’ë́tłı̨ áh.
Dënë Dzı̨́tł’ı́s
