Nake nene t’a borét’į

Haudenosaunee Confederacy ediri ts’ékwi k’ólde matrilineal society beláy sǫlághe founding Nations, tth’’i beláy ałų įłághe adopt ahįlá. Kanen’tó:kon Hemlock sas clan ts’įɁánę hęlį ediri Mohawk Nation Kahnawà:ke k’éyaghe hots’į, t’ahúk’e hots’į hat’į horįchá néné híle Montreal hogá.

Honolulu, Hawaii nǫk’e nįya, Stephanie Big Eagle t’ant’i dené hęlį edek’ólyęle. bekǫę chu benéné nįja híłdų edek’óréłyá, eyer benéné Yankton Sioux Reservation, South Dakota k’ághe.

Mo Naga benéné Manipur hots’į dene k’e eretł’ís dené hęlį, benéné t’ąchay ełk’éch’a axedánét’į dáneshe North East Region India k’éyaghe, Mayanmar border. 20 beghaiyé honáre, yú hełtsi ghą nádher nį, Mo Naga t’axą asíe axenét’į howįłɁą yú k’e dáréhtł’íse, t’ąt’i dené hęlį howįłɁą yú k’e dáréhtł’íse degháré yeghą nįdhį.

Paiwan hot’iné dene łą dąlįɁíle, nónéną dene dedliné haráhįlt’e 3% hotárelyų á Taiwan xéł. t’ahú Cudjuy Patjidres edek’óréłyá t’ahúk’e hots’į dene hęlį xéł, yanísį betsíekwi Paiwanese dené dene k’e dáretł’ís k’enáįdé k’óréłyá hots’į, yeghą yanoríhsha.

taniz ts’én beyaze Audie Murray edini beba ú, dene tth’i k’e eretł’ís dé, t’ahúk’e hots’į dene nelį si, dene bek’óją hát’į, benéné ch’azį nádé, ediri t’a tattoo losí yet’áneréɁá.

Isaac Murdoch chu Christi Belcourt eła Onaman howįłɁą, artists łą ełk’éch’a t’ą hotié asíe k’édásedli, ediri nįh bazį t’ąt’ú hobech’ąnįę dánaílchú walíɁhxa. ediri yanísį hok’ísį hayorįlaze dáréłtsį Nimkii Aazhibikong húlye yuwé Northern Ontario k’éyághe.

Julie Paama-Pengelly thá hots’į ediri tā moko Māori tattooing k’enádher. bets’į studio t’ahúk’e eghálana Mount Maunganui ediri yanísį chu dudziné k’e hots’į chu eła nįyįle bets’į designs hotárelyų néné k’e hots’į.

Pip Hartley ediri asíe hųtł’édhé k’įya sį, ediri Auckland city háyorįla netthith hale xa ediri Māori ch’anįę tthe nįle k’įya. t’ahúk’e eghálana Karanaga Ink Studio, eyer Māori yanísį chu dudziné ch’anįę eła k’enádher, tā moko tattoo húlye.

yatthé néné Northern Canada k’éyaghe ediri tattoo k’enáts’ede eją nǫk’e ediri tattoo dene tthe thá dedané hots’į yek’enádé. Ippiksaut Friesen, ediri hoténá ts’ékwi hotié bek’óją, dene gódhé tth’i hęlį, t’ą hoténá ts’ékwi yetthe tédeli, eyi yek’ínį tegha xa horélɁį, tth’i t’a ts’ékwi yenandéré yek’ínį hedełi, eyi xa tattoo t’á yeba senųɁá kółther.

1950 hoyághe, ediri nįh hotié harółnį, hotié yeka ełk’enárádé, Dutch-controlled Maluku islands hots’į ediri Dutch denek’ełxáł dené, Indonesian dené nįlya Netherlands néné k’e ekódánįdhen híle kólú.

Haida hots’į artist Kwiaahwah Jones t’ahú tątili nerįtą, yanísį ghą henalnį t’ahú ediri tattoo k’enáts’ede bedį outlaw hályá nį, duhų ediri tattoo art nailchu xéł dene gódhé hadónełten bech’anįę dánaílchu xa.

Manel Mahdouani tattoo artist hęlį Tunis hots’į, Tunisia néné k’e hots’į. Amazagh ts’įɁáné dene hęlį, North Africa hots’į, Manel bets’į tattoos Amazagh ch’anįę t’óréłɁá.

Two Ravens tth’i Opata tattoo artist hęlį East Los Angeles hots’į hat’į. activist dené tth’i hęlį, eya hályá nį Standing Rock t’ahú nįh xa dene ts’ųk’edhe nįdel ú North Dakota néné k’e.