EPISODE 3 – India
T’at’ı̨ghą Hǫdı́
Episode 3
India
Written and directed by Randy Kelly
Mo Naga benéné Manipur hots’į dene k’e eretł’ís dené hęlį, benéné t’ąchay ełk’éch’a axedánét’į dáneshe North East Region India k’éyaghe, Mayanmar border. 20 beghaiyé honáre, yú hełtsi ghą nádher nį, Mo Naga t’axą asíe axenét’į howįłɁą yú k’e dáréhtł’íse, t’ąt’i dené hęlį howįłɁą yú k’e dáréhtł’íse degháré yeghą nįdhį. dedané náneta xéł eretł’ís ú, tth’i senįyíle k’įya. eretł’ís k’ólyą xéł asíe lorįshą, tth’i dene tth’i k’e destł’ís hotié yet’á edenélnį, eyi t’á ediri neo-Naga style eretł’íse k’įya. Mo Naga duhų New Delhi hots’į eghálana, eyer bets’į tattoo studio hółɁą, t’a yanísį t’ąt’ú Naga dene tth’i k’e edáretł’ís łínį, edinį yek’íja, eyer hotárelyų North East region India k’eyághe
Biography
Mo Naga’s
Naga bets’į erehtł’ís chu symbols yanísį hots’į t’óréłɁá yeghą hadónelten hoyághe, Mo Naga hoɁązį bets’į art henerenį xa, thá research k’enádher yeghą. dúdziné k’e bets’į tattoo art bóret’į yanísį hots’į bek’óríjele, New Delhi, India hots’į tattoo k’enádher, t’ahúk’e hots’į dene hęlį k’ésedli xéł, hotié yanísį hots’į bech’anįę naílchu ediri tattoo bet’á, bélot’inį Naga dené chu ediri Neo-Naga tattoo art dene k’e hayįłthen ediri tot’iné chu honásį dene xéł.
Dënë Dzı̨́tł’ı́s
