EPISODE 5 – Lebret
T’at’ı̨ghą Hǫdı́
Episode 5
Lebret
Written and directed by Courtney Montour
taniz ts’én beyaze Audie Murray edini beba ú, dene tth’i k’e eretł’ís dé, t’ahúk’e hots’į dene nelį si, dene bek’óją hát’į, benéné ch’azį nádé, ediri t’a tattoo losí yet’áneréɁá. Audie bets’į art chu tattoo náh ts’én t’ąt’i dene hęlį eyi ts’én nǫɁá, eyer Regina chu Lebret nęya eyi ts’én oréłtí bets’į art, eyer hots’į Vancouver ts’én nónįɁą hoɁązį bets’į art hereldį xéł tth’i hoɁązį yek’enádher xa. taniz ts’én beyaze bets’į art ts’én oréłtí bets’į designs k’e. Audie bekǫę Regina chu Lebret nįja dé, hoɁązį bech’ąnįę hereldį xa hok’enádher, bélot’ini xéł.
Biography
Audie Murray
Audie Murray tanists’én beyaze dené hęlį treaty 4 territory hots’į, degháré ts’én asíe łą ghą hadónelten xéł hónelten. hónelten yuwé Coast Salish dené xéł, eyer hobeghą nįh hílchú híle. Audie ediri ená ts’į tattoos t’óréłɁá, eyi xéł tth’i tanists’én beyaze ch’anįę ts’į culture t’óréłɁá, kólú zą t’ą xáré bélot’inį ts’į patterns chu designs t’óréłɁá, łą eyi hobets’į t’ąchay chu imbáy įłts’uzi á edánéłką t’óréłɁá ú, edinį dayerítł’ís. t’ą bek’e eretł’ís xasi, eyi dene xéł yałti, hotié t’ahúk’e bek’e eretł’ís xasi, xáré belá chu skin stitching methods t’óréłɁá, kólú skin stitching ttheri hąłthen.
Dënë Dzı̨́tł’ı́s
