EPISODE 8 – New Zealand
T’at’ı̨ghą Hǫdı́
Episode 8
New Zealand
Written and directed by Angie-Pepper O'Bomsawin
Pip Hartley ediri asíe hųtł’édhé k’įya sį, ediri Auckland city háyorįla netthith hale xa ediri Māori ch’anįę tthe nįle k’įya. t’ahúk’e eghálana Karanaga Ink Studio, eyer Māori yanísį chu dudziné ch’anįę eła k’enádher, tā moko tattoo húlye. hotárelyų t’a k’enádheri ediri Māori ch’anįę ttheri hayíłɁį, dats’etłi lánt’e ediri t’ą dene k’e eretł’ís chu tth’i t’ą bek’e eretł’íse, dene honįę beyé hots’į háredhi t’ahots’én hena hots’én bek’e eretł’ís. Pip ediri edets’én yíłchu ediri t’a eretł’ís losi, yet’á hadónelten xéł hoɁązį yereldį xa horélɁį. Karanaga Ink nįdhá bek’ésoredli Auckland néné k’éyaghe, eyi tattoo degháré ttheri hultá New Zealand. Pip hotié hadónelten, ediri Māori ch’anįę hotié beneredí xéł, ttth’i dene łą ełk’éch’a yenedánerenį xa.
Biography
Pip Hartley
Pip Hartley hųtłédhé hanįdhen ediri tā moko k’enádheri bets’į la bazį. bets’į hų́lį ediri t’a k’enádheri, dene tth’i k’e bóret’į, dene k’e eretł’ís dé tątili t’óréłɁá t’á, ediri yanį́sį hots’į chu duhų́ asíe gódhé t’á hat’į. Pip t’ahúk’e eghálaghena bets’į tattoo studio yuwé Karanga Ink Aukland néné k’éyághe, degháré benį́h t’óréłɁá t’ąt’ú asíe ghą nánedheri. ediri t’ahúk’e bets’į tattoo studio hółɁą, degháré yísį horélyą xéł dene ts’én bedzié nezų xéł beti, ediri t’ahúk’e hots’į dene hęlį hotiyé yek’ésedli ediri Māori chu Pacific Indigenous tattoos nįdhá bek’óją xa horélɁį. ediri t’a k’ólyą yanį́sį hots’į symbology thá dedané hots’į, eyi dene hadónełten t’ąt’ú dene gódhé yenernį́ walíɁoxa, tth’i belay yanédhé ałų́ bech’ą́nįę́ bek’ónį́ xéł bek’ésoredli xa.
Dënë Dzı̨́tł’ı́s
