EPISODE 6 – Nimkii
T’at’ı̨ghą Hǫdı́
Episode 6
Nimkii
Written and directed by Roxann Whitebean
Isaac Murdoch chu Christi Belcourt eła Onaman howįłɁą, artists łą ełk’éch’a t’ą hotié asíe k’édásedli, ediri nįh bazį t’ąt’ú hobech’ąnįę dánaílchú walíɁhxa. ediri yanísį hok’ísį hayorįlaze dáréłtsį Nimkii Aazhibikong húlye yuwé Northern Ontario k’éyághe. eyer ąłnedhi dené yarółnį xéł, ediri yanísį thá hots’į ancient markings dene k’e dáretł’ís t’ąt’ú dene eła/ełghą nįdel walíɁoxa ediri nįh t’orelyą k’e.
Dënë Bëghą Hǫnı̨́
Isaac Murdoch
Isaac Murdoch dene hotié bek’ésoredli dené hęlį, dene xéł tth’i holni halorįshą, fish clan ts’į dene hęlį, Serpent River First Nation hots’į. nǫnize néyą, nálzé ú, tabił dat’ų ú, tth’i įłdzuzi theła ú néyą. thá yatthé néné náįdher Northern Alberta ts’én ú, Saskatchewan ú, tth’i Manitoba ąłnedhi dené hadáyonéłtą. beyúɁųwe walíle dene gódhé hadónełten xa nónize náts’edé bazį. t’a hotié halorįshą xadé: yanísį hots’į Ojibway héredlere ú, symbolism ú, nakóts’eldher ú, nédíe kot’į ú, tth’i násuwé bek’ésoredli xéł benakánelní eyi hotié henerení, ediri Anishinaabe yanísį hots’į honį xéł tth’I k’i ts’i chú scroll making k’i t’a hełtsi k’ólyą. Isaac t’ahots’én hena hots/én ediri Anishinaabe ch’anįę k’enádher xa horélɁį.
Christi Belcourt
Christi Belcourt tanists’en beyaze hęlį Mânitow Sâkahikan néné hots’į yuwé North Shore of Lake Huron hots’į, edinį tth’ii visual artist hęlį xéł yek’enádher. t’ahúk’e hots’į hat’į degháré ts’én hokésedli xéł tth’ii hobech’ánįę yanísį hots’į. Christi erihtł’ís dárįtł’ís, tth’i dene xéł erihtł’ís dárįtł’ís, tth’i belay dene xéł eghálaįná hotárelyų ediri erihtł’ís dáretł’ís bazį. t’a k’náįdher National Gallery of Canada chu Art Gallery of Ontario ú, Gabriel Dumont Institute ú, Indian and Inuit Art Collection ú, Parliament Hill ú, Thunder Bay Art Gallery ú, Canadian Museum of Civilization, ú, tth’i First people’s Hall, hotárelyų t’a k’enáįdher eyer berólɁą walí. Christi asíe łą dánįłną, Canada Council for the Arts hots’į ú, Ontario Arts Council hots’į ú, Chalmers Family Fund hots’į ú, tth’i Metis Nation of Ontario hots’į. eedezí edeba déłtsį, ediri Aboriginal Arts Laureate néłną 2014 hoyághe, tth’i belay náh t’aht’e Premier’s Award néłną. duhų edinį tthe ghegał xéł k’oldher ediri Walking With Our Sisters xa.
Dënë Dzı̨́tł’ı́s
