EPISODE 10 – ALASKA
T’at’ı̨ghą Hǫdı́
Episode 10
ALASKA
T’a Yë́ghą Ërı̨tł’ı́s hël T’a Bë Dá Ghárë, Sonia Bonspille-Boileau
Marjorıe Tahbone, Inupıaq dë́në́ hë́lı̨ Alaska hots’ı̨ asıë ëłk’ë́ch’a hë́ghą, t’a ts’ë́wı̨ bë́kǫë́ hots’ı̨ ëdı́në tthë́ bëdá k’erë́tł’ı́s. Ëłą́ kólë́ bëlot’ı́në kánt’u dënë tth’ı̨ k’erë́tł’ı́së k’ënádhë́r hı̨́lë́ áh Faırbanks hots’ı tot’ı́në yë́bá háyı̨́lá nı̨. Bı̨nı́ë́ áh, Marjorıe yëk’ë́ nádhë́r hájá bónë́nı́tthı̨ há. Inupıaq ch’anı́ë áh t’at’u dënë tth’ı̨ k’erë́tł’ı́së hël bëts’ı̨ layųë́ t’órëlɂá hájá. Marjorıe chu t’a bëch’anı́ë hųtón bëɂáh dënë tth’ı̨ k’erë́tł’ı́së bëk’áts’ë́dé hánájá yatthé ts’ë́n, ts’ë́kwı hanı́së k’ë́sı̨ bëtth’ı̨ k’erë́tł’ı́s hánájá t’at’u asıë k’anë́łta básë́.
Biography
Marjorıe Tahbone
Marjorıe Tahbone, Nome, Alaska në́yą. Tsë́kwı̨ hë́lı̨ hots’ı̨ bë́ ı̨łáh kǫë́ hots’ı̨ nıh chu tu cho áh dáná hanı́së́ bëlot’ınë́ k’ë́sı̨. Bëch’anı́ë ghą hǫdı́ Inupıaq dë́në́ hë́lı̨, hǫnë́na ts’ë́n nákę bë́ghę hú, 2011 Mıss Indıan World në́łną Albuquerque, New Mexıco, ts’ë́n. Ëdırı ts’ı̨ ąnë́ bëch’anı́ë k’ë́lnı́ bëlot’ı́në há, tth’ı̨ yë́ɂá dënë tth’ı̨ k’erë́tł’ı́së kënádhë́r hájá, k’ásjë́në́ bë́ghą hųlë́ hájá t’o tot’ı̨në́ yë́ghą nı̨dél nı̨́sı̨́.
Dënë Dzı̨́tł’ı́s
