EPISODE 13 – TORONTO
T’at’ı̨ghą Hǫdı́
Episode 13
TORONTO
T’a Yë́ghą Ërı̨tł’ı́s hël T’a Bë Dá Ghárë, Jason Brennan
Jay Soule ëłk’ë́ch’a asıë hë́ghą dë́në́ hë́lı̨ “Chıppewar” húlye bëlot’ı́në hël háyorı̨lá nádhër. Ëłk’ë́ch’a asıë hë́ghą bëlot’ı́në t’at’u bëba hǫnı́la sı̨́ Canada k’ë́yaghë tth’ı̨ násk’ë́dh në́në́ hóts’ı̨ bëk’óją. Sǫlághë bëghę ú, Jay bą ghą hı́lchų́ bënë́në́ ch’ásı̨ në́yą. “Sıxtıes Scoop” k’ë́së́ húltá sëkwı bëtı̨kwı ghą náltsı̨ nı̨ɂá tot’ı́në́ hël nı́lyą nı̨́. Ch’ë́lakwązı̨̨ hë́lı̨ ú, Jay bëkǫë́ ch’ásë́ hë́yą nı̨́ bı̨t’ásë nádhër hë́já. Holánı̨ në́në́ há Toronto hots’ı̨ sëkwı̨ hël bı̨t’ásë nághı̨dhë́r nı̨́, bëlot’ı́në há dë́në́ kǫë́ nádhë́r hájá.
Biography
Jay Soule
Dųë́ ëłtthı̨ ghë́ną́ hë́já, Jay Canada ch’ásë́ hë́ɂyą horë́lyų nıh k’ë́ ts’ë́kë́rë́dhı̨́ há. London nádhë́r hú dënë tth’ı̨ ghągé hël dënë tth’ı̨ k’erë́tł’ı́së ghą hǫ́në́ltą nı̨́. Tthelë́ t’ų tsątsánë́ áh dënë tth’ı̨ k’erë́tł’ı́së k’ı́yą nı̨́. Jay Canada nı̨ją́ hú dënë tth’ı̨ k’etrë́tł’ı́së ts’ı̨ në́nı̨k’é dáhárı̨la. Dënë tth’ı̨ k’erë́tł’ı́së bı̨nı́ë́ kólë́, asıë ëłk’ë́ch’a hë́ghą ts’ı̨ɂą́në́ yų́ ëłk’ë́ch’a asıë bëk’ë́ dë́rë́tł’ı́s ëdırı há bëk’óją́.
Dënë Dzı̨́tł’ı́s
