EPISODE 3 – INDONESIA
T’at’ı̨ghą Hǫdı́
Episode 3
INDONESIA
T’a Yë́ghą Ërı̨tł’ı́s hël T’a Bë Dá Ghárë, Randy Kelly
Mentawaı dë́në́, nu k’ënádé Samutra, hots’ı̨ dázı̨ ts’ë́n, Indonesıa k’ë́yaǵhë. Hanı́së tthá hots’ı̨ yëk’ë́’nádé, dënë ts’ë́dı̨ nádá há, dënë tth’ı̨ k’erë́tł’ı́së t’at’orë́łɂá. Mentawaı dë́në́, ëłk’ë́ch’a hádót’ı̨ dënë tth’ı̨ k’erë́tł’ı́së k’ënádé, bëch’anı́ë básë́ dëch’ë́n yághë, hots’ı̨ t’ąnchághë chu ëch’ërë bëɂı̨k’ásë́ há.
Dënë tth’ı̨ k’erë́tł’ı́së hël bëɂı̨k’ásë́ áh Mentawaı dënë ts’ë́dánı̨ nádá há. Ëdırı áh dųë́ hots’ë́n bëk’áts’ë́dé. Ëdırı hǫnı̨, dënë ts’ë́nı̨ nádá há, Aman Jeprı, húlye
Biography
Aman Jepri
Aman Jeprı, dënë godhëɂazë hë́lı̨, dënë ts’ë́nı̨ nádá há, sikerei hë́lı̨ Sıberut nu k’ë nádhër, Samutra, hots’ı̨ dázı̨ ts’ë́n, Indonesıa k’ë́yaǵhë. Dënë ts’ë́nı̨ nádá há, hël dënë tth’ı̨ k’erë́tł’ı́së dë́në́ hë́lı̨. Sıkereı hë́lı̨, Mentawaı dë́në́ bëch’anı́ë nátsë́r há ąláná, dënë ëyálı̨ ts’ë́nı̨ náyełná há, dárı̨ye básë́ dënë hël yáłtı, ası́ë t’a ëłtth’ı̨lë sı̨ bëch’anı́ë básë́ ëłtth’ı̨ háneyı́le, tth’ı̨ dënë ts’ë́nı̨ t’a dënë hádónë́ltën sı̨ dënë ts’ë́nı̨ nádá há,dálı̨ hásı̨.
Dënë Dzı̨́tł’ı́s
