EPISODE 4 – BRITISH COLUMBIA
T’at’ı̨ghą Hǫdı́
Episode 4
BRITISH COLUMBIA
T’a Yë́ghą Ërı̨tł’ı́s hël T’a Bë Dá Ghárë, Jason Brennan
Dıon Kaszas, asıë ëłk’ë́ch’a k’ënádhë́r dë́në́ hë́lı̨ ërı̨htł’ı́s tth’ı̨ k’ënádhë́r, ëná chų tot’ı̨në́ hë́lı̨, bëlot’ı́në Salısh ts’ë́n nátsë́r. K’anı̨ tthelë́ hots’ı̨, t’a t’u hanı́së k’ë́së́ dënë tth’ı̨ k’erë́tł’ı́së ghą hádónëltë́n, k’ásjë́n bëlot’ı́në bëghą hų́lë hájá nı̨́ t’o t’ot’ı́në nı̨́dél hots’ı̨. Horë́lyų nıh k’ots’ı̨ dënë tth’ı̨ k’erë́t’łı́së dë́në́ dáɂı̨́ hájá t’o yónı̨łdhë́r hots’ı̨. Dënë tth’ı̨ k’erë́tł’ı́së Dıon yëghárë́ bëch’anı́ë hë́l ët’ók’o ts’ı̨ háyá sı̨ yënë́rë́nı́ há. Dıon, nųłɂı̨, t’a t’u bëlot’ınë́ k’ë dënë tth’ı k’erë́tł’ı́së hanı́së k’ë́sı̨́.
Biography
Dion Kaszas
Dıon Kaszas asıë ëłk’ë́ch’a k’ënádhë́r dë́në́ hë́lı̨ ërı̨htł’ı́s tth’ı̨ k’ënádhë́r, Hungarıan ú, Hawaııan u, Salısh u, tánı́së́ ts’ë́n bëyásı̨ hë́lı̨, Lower Nıcola band hots’ı̨ Merrıtt, Brıtıch Columbıa ts’ë́n. Dënë tth’ı k’erë́tł’ı́së k’ë́nadhë́r, ëyı̨ ts’ı̨ nı̨́k’e hółɂą Salmon Arm, Brıtısh Columbıa k’ëyaghë, dárë́nbądhëɂazë u, dëlzën bëtúë́ áh hú ëłk’ë́ch’a dënë tth’ı̨ k’erë́tl’ı́s dënë lá hųgor áh. Dënë la hugor hëł ąłdë́dhë áh dënë tth’ı̨ k’erë́tl’ı́së hëłts’ı̨ Nlaka’pamux (Interıor Salısh) ch’anı́ë básë́. 2009 k’ë yónı́łdhë́r nı̨. Dënë tth’ı̨ k’erë́tł’ı́së ts’ı̨ nı̨k’é ąláná hı́lë́ dé, ëłk’ë́ch’a asıë t’orë́lɂa áh ërë́tł’ı́s. vıdeo tth’ı̨ hë́l. Dënë tth’ı̨ k’erë́tł’ı́së básë́ ërı̨̨tł’ı́s në́dhë́ hë́łts’ı̨ Indıgenous Studıes áh, Unıversıty ts’ë́n Okanagan, Kelowna, Brıtısh Columbıa k’ëyághë.
Dënë Dzı̨́tł’ı́s
