EPISODE 9 – NEW ZEALAND
T’at’ı̨ghą Hǫdı́
Episode 9
NEW ZEALAND
T’a Yë́ghą Ërı̨tł’ı́s hël T’a Bë Dá Ghárë, Jean-François Martel
Tonë́na në́në́ húlta k’ë, Maorı dë́në́ New Zealand hots’ı̨ dënë tth’ı̨ k’erë́tł’ı́së, bëghą húlë́ hájá nı̨.Ts’ë́kwı̨ bëdá k’erë́tł’ı́së húlı̨ bëghárë k’óją dënë tth’ı̨ k’erë́tł’ı́së ch’anı́ë. Dųdzı́në k’ë́, dënë tth’ı̨ k’erë́tł’ı́së bëk’áts’ëdé hánájá, Gordon Toı, ttherë́ húltá, t’at’u bónënı́dhë́r há. Dųë́ t’a tsątsánë́ áh dënë tth’ı̨ k’erë́tł’ı́së sı̨́ t’orë́łɂah hanı́së t’at’u bëlót’ı́në dárı̨́tł’ı́s nı̨́sı̨́ ghárë́, Gordon bëba ta moko ttherë́ hanë́dhë ëłú bëk’áts’ë́dé wálı̨́ há. Bëts’ı̨ nı̨k’é dënë tth’ı̨ k’erë́tł’ı́së hǫ́yı́nı̨́lë́ House of Natıves húlye- bëch’anı́ë básë́ asıë básǫrë́dlı̨ kǫë́.
Biography
GORDON TOI
Gordon Toı bëlot’ınë chu bëch’anı́ë ghą nętá ëyı̨ ts’ı̨ɂąnë́ dëchën chu tthe áh asıë hë́ghą hájá 1980’s k’ë́. Asıë hë́ghą hájá hǫts’ı̨ yënë́rë́nı̨́ hájá Maorı t’at’u bënárë asıë k’adánëłta sı̨ ghárë asıë dë́rı̨tł’ı́s. Dënë tth’ı̨ k’erë́tł’ı́së k’ë́nádhër hots’ı̨ Gordon ta moko bëba ttherë́, hanı́së hots’ı̨ Maorı t’at’u dënë tth’ı̨ k’erë́tł’ı́së nı̨́sı̨́, dënë hël yëk’ë́nádhër há bë́sdólé ch’á. Dų dzı̨në́ k’ë́, ta moko áh ttherë́ húlta tth’ı̨ Aotearoa áh dënë hánë́łtë́n.
Dënë Dzı̨́tł’ı́s
