EPISODE 7 – New Zealand
T’at’ı̨ghą Hǫdı́
Episode 7
New Zealand
Written and directed by Angie-Pepper O'Bomsawin
Julie Paama-Pengelly thá hots’į ediri tā moko Māori tattooing k’enádher. bets’į studio t’ahúk’e eghálana Mount Maunganui ediri yanísį chu dudziné k’e hots’į chu eła nįyįle bets’į designs hotárelyų néné k’e hots’į. nónéną néné xa dene hadónéłtą, bets’į art symbolic imagery hots’į pure abstraction bets’į graphic design k’e, belay asíe herełer tth’i ú, mixed media ú tth’i tattoo k’enádher. holą beghą uzédlą xéł tth’i dene łą yegha adórełker ediri tā moko edlą yet’óréłɁá xa. Julie edinį tthe ts’ékwi ediri deneyu ch’anįę k’įya. ts’ékwi bedayí nátser borétth’ą xa Māori ts’ékwi xa dene natthe theyį, ediri tā moko arts bazį.
Biography
Julie Paama-Pengelly
Julie tā moko k’enádher 1980 dedané hots’į, edinį tthe ląt’e ediri tā moko k’ija, tth’i t’ahyį ts’ékwi t’ą yek’íja. 2004 hoyághe Julie benérįltł’ís dene łą nize eghálana xa Te Papa National Museum. eyer tattoo k’enáįdher nádene ts’ékwi k’e, hotárelyų ts’ékwi k’e tattoo harąla, bet’azį hots’į, beɁádhé ú, tth’i beghoth hots’į bedzagór ghǫts’én, eyer ts’én dáįłɁá ediri moko t’ádóréłɁá xa. Julie studio dáhárįtą Mount Maunganui, eyer asíe słinį hedį vegan inks dáyį t’óréłɁá. tth’i ediri yanísį hots’į Māori hand-tap tattoo k’íja. degháré ts’én hotié bek’óją ediri t’a k’enádher bazį, t’ahúk’e háyorįla hotié húltt’í, Julie tth’i nįdhá dzíkeredhi, dene hadónełteni, tth’i belay ediri World Indigenous Tattoo exhanges holą edinį bets’én nǫt’ą edinį eyer dene hadónełteni xa.
Dënë Dzı̨́tł’ı́s
